ಕಾಲ ಕೆಟ್ಟಿತೋ ಅಂತ
ಕೊಟ್ಟಣ ಕುಟ್ಟುವ ಬಚ್ಚು ಬಾಯಜ್ಜಿ
ಕಂಡು ಕಸಿವಿಸಿಯಾದ ಟೀವಿ
ತುಂಬಿದ ಊರ್ಮಿಳೆಯ ಎದೆ
ಹಿಡಿದಿಡಲಾರದೆ ಉದ್ರೇಕ
ಚಿತ್ತ, ಪಟ್ಟೆಯುಟ್ಟ
ಹುಡುಗನ ಕಣ್ಮುಂದೆ ದೇವಿಯ ಪಟ
ಗಾಯತ್ರಿ ನೂರೆಂಟು ಎಣಿಸಿ ಮಣಿ
ಯುವ ಮೈ
ಯಲ್ಲಿ ಪರಪರ ತುರಿಸುವ
ಪರಂಪರೆ ಗಾಯ
ಪುರುಷಸೂಕ್ತದಡಿ
ಕಾಮಸೂತ್ರ
ಶೆಟ್ಟರ ಹೋಟೆಲು ಮಾಂಸದ
ಕೋಳಿ ಟೇಬಲ್ಲಲ್ಲಿ
ಕೂತು ಜಗಿದರೆ ಜಗ್ಗಿ
ನಕ್ಕು "ಧರ್ಮಾಧರ್ಮ
ಹಾರುವ
ಕುಲಾಂತರಿ ಹುಳವೇ - ಹಣೆಮುದ್ರೆ
ಅಳಿಸಿಲ್ಲವಲ್ಲೋ!" ಅಂದಾಗ
ಎದ್ದು ಬಂದ ಬಿಕ್ಕಳಿಕೆ
ಮುಕ್ಕಳಿಸಿದರೆ ಹೋಗದ
ವಾಸನೆ,
ಬಾಯಿ, ಗಂಟಲು, ಕರುಳು...
No comments:
Post a Comment