ಬೆಳ್ಳನೆ ಮುದುಕ ನನ್ನಪ್ಪ
ನನ್ನ ತಾಯಿ ಕಪ್ಪು
ಬೈದಿದ್ದೇನೆ ಇಬ್ಬರಿಗೂ
ಎಂಥಾ ದೊಡ್ಡ ತಪ್ಪು!
"ಹಾಳಾಗಿ ಹೋಗಿ" ಅಂದಿದ್ದೆನೆ?
ಕ್ಷಮೆ ಬೇಡುವೆನೀಗ
ಸಾಯಿರೆಂದು ಶಪಿಸುತ್ತಿದ್ದೆ
ಕಣ್ಣೀರುಗರೆವೆನೀಗ
ಅಪ್ಪ ಸತ್ತ ಬಂಗಲೆಯಲಿ
ವೈಭೋಗ - ಸುಖದ ನಡುವೆ
ಅಮ್ಮ ಮಾತ್ರ ಗುಡಿಸಲಲ್ಲಿ
ಬಿಟ್ಟು ಎಲ್ಲ ಗೊಡವೆ
ಅವರಿಬ್ಬರ ಮಗ ನಾನು -
ಕಪ್ಪಲ್ಲ, ಬಿಳಿಯಲ್ಲ
ಎಲ್ಲಿ ಸಾವು ಬರೆದಿದೆಯೋ
ನನಗೆ ತಿಳಿಯದಲ್ಲ!
(ಲೊಂಗ್ಸ್ತನ್ ಹ್ಯೂಗ್ಸ್ ನ ಕವಿತೆ "ಕ್ರಾಸ್"ನಿಂದ)
No comments:
Post a Comment