ಸುದ್ದಿ

ಭಯಭೀತ ಜನ ಕಂಗಾಲಾಗಿ
ಟೆಲಿಫೋನು ರಿಂಗಣಿ ಸಿದರು
ಪೆನ್ನು - ಪ್ಯಾಡು ಹಿಡಿದು ಪತ್ರ
ಕರ್ತರು ಥಕಥೈ ಕುಣಿದರು
ಪಕಪಕನೆ ಕ್ಯಾಮರಾ ಕಣ್ಣು
ಹೊಡೆಯಿತು

ಟೆಲಿಪ್ರಿಂಟರು ವಟಗುಟ್ಟಿತು
ಸಂಪಾದ
ಕರು, ದನಗಳೆಲ್ಲ ಸಮಾ
ಲೋಚಿಸಿ ತಿದ್ದಿ ತಿದ್ದಿ ಬರೆದರು
ನೂರಾರು ಮಂದಿ ಒಂದೇ ಸವನೆ
ಮೊಳೆ ಜಡಿದರು
ಪ್ರೂಫ್ರೀಡರು ಕಣ್ಣು, ಕಣ್ಣಡಕ
ಉಜ್ಜಿ ಓದಿದರು

ಕಂತೆ ಕಂತೆ ಖಾಲಿಗೆ
ಶಬ್ದ ಸೂತಕ ಮೆತ್ತಿ ಹೊರತಂದರು
ಮುಗಿಬಿದ್ದು ಇಷ್ಟಿಷ್ಟು ಅಂತ ಬಿಸಿಬಿಸಿ
ಇಂಕಿನ ವಾಸನೆ ಹೊಡೆಸಿಕೊಂಡು
ಹುಡುಗರು ಸೈಕಲ್ಲೇರಿ ಸಾಗಿಸಿದರು
ಗೇಟು, ಕಿಟಕಿ, ಸಂದಿ - ಗೊಂದಿ
ಗಳಲ್ಲಿ ತೂರಿಸಿದರು

ಮೂವತ್ತರ ಮುದುಕ
ಆರಾಮಾಗಿ ಎದ್ದು
ಆಕಳಿಸಿ ನೋಡಿದ
ಸಾವಿನ ಸುದ್ದಿ.